Parisap pamuhai

Parisap pamuhai
(ndang holan holong pamuhai)
*TS/Jabelengbeleng

Tingki SMA ( unang pola sahat SMP ate) mamongoti taon parsiajaron naimbaru , marsitandaan ma sude angka dongan na ro sian sude SMP humaliang masuk tu SMA i .

Ai tingki hami, sistim rayon dope jala topet hatihai godang do na so boi masuk SMA negeri ala topet mardalan pinatureture naimbaru sian pamarenta taringot tu NEM ( sosialisasi hurang) .
Godang na talu gabe tu suasta ala hurang NEM na.

Ari parjolo marsitandaan ma antong sude,
rap marpungu ma baoa di "kantin" singkola huhut mamereng-mereng adong do na bagak angka borua i?
Huingot tingki i adong ma sada boru Batak na mansai bagak tompana dang pola bontar nian, hira parbue sawo na malamun ma borna ni sisikna.

Hurimpu hatiha i ndang adong Boru Batak na bagak,hape adong do? 😄

Mulak singkola marpungu ma muse hami parosu pardonganon rupani.
Adong sada sopo-sopo di toru parsingkolaan donok tu aek godang.
Martahi ma laho manuhor timbaho , ujui pt-pt do goarna ( patungan) saribu ma satonga bungkus argana.

Dipagalak ma loting , ndang gara ala ni gogo alogo, dungi jongjong humaliang ma hami asa unang diombus alogo api ni loting i.

"bushh...",dialsip dongan ma,"...uhuk..uhuk..uhuk" mongkolongkol, dung patolu halion ndang be batukon hami sude ...

Tep ma , satonga batang dope na marisap i, tompu mamolus Guru Penjas na riting-ritingon lao mulak mangida ulaon nami i.

"Hei, kalian merokok?"
Ndang binoto ise parjolo mamuhai, pintor marborusborus ma hami songon anak ni manuk marnida lali habang laho monjab.

Adong tu jae adong tu julu, adong muse sada donganku laos mangambur ibana tu aek godang dipudi sopo i ala ni biarna. "byuurrr"..

Molo ahu dohot dua donganku marlojong manaripari topi ni bornoborno, adong ma donganku lohot sipatuna di buntak gabe mapirapir ma ibana di pudi.

Di na marlojong i hami, didok parhuta i ma
" Tawuran yah...tawuran yah, " huhut nanaeng manangkup hami.

Ujungna marsirang ma hami sude marsiboan dalanna mulak tu jabuna be.
Angkahitir ala ni biarna ditangkup parhuta i dohot Guru i .

Jora ma ahu

*Ai kalas sada SMA dope jala tobok dope na marsiajar marisap i...

Na Saep Dongan

Na Saep Dongan
*TS/Jabelengbeleng

Soada  tarida be soara nogngotan roha mi
Tingki marsobansoban di parsobanon
Sobo rimasmi jala sobo arsakmi.

Parlao  marsak lasroha sobokhon alogo dorasna,
Tading ma natading mandege tano sobusobu
Disobur ateate,dilambokhon pusupusu

Sogir dijoloan alai unang pola sogit
Adong dope ari sogot.
Ndang raja molo soha hita tu jolma na dilambungta
Sotung gabe  sohang huhut di paido upa sohe na so ta ingani.

Sian dolokdolok do haroro soksok ni aek na solam i.
Jolo solhot do asa sohot asa dos sisolisoli gogo.

Hajolmaon do sogo,songoni sollut tingki martugo
Molo Solot dibagasan unang sumpol asa sombu
Bereng ma nunga sonak aek laut bahen bulan tula na rara i
Tarida sondangna siboan sonang

Sonduk ma unang pola songe ndada songgop halinu i

Unang be sombop, sorpi ma ulos i
Pataridahon sorta mi asa unang di soro songgak ho
Sosa ma na salpu i
Ambunghon marsaput sosar tagan so di sosop

Ro ma sosor naimbaru
Tanom ma bulu sorik di parik ni huta
Sordit ma mardaon pogu
Sorang si Bursok dohot si Tatap

Sonti di patik jala sonti marugasan
Songkal tu humaliang
Hundul di sopo mangallang sotul
Mambege sordam mangarahut sihol

Sonang do,sonang do,dipasonang tongtong.......

#80217_localwisdom #Batak

Jalan Malam

Jalan malam

Air turun dari langit
Tidak becek tidak lepek
Apa sebab daun talas berkelit
Menangkis curahan air hendak menggebuk

Angin begitu kencang malam ini
Berhembus menusuk tebalnya selimut
Tak lama sepi datang melarutkan mimpi
Semua terlelap ,seolah jauh sang kemelut

Tubuh menggigil jalan gontai
Menerobos serangan angin malam
Masih ada semangat terpatri
Demi asupan buah cinta ranjang kusam

Dor....!
Tersungkur dijalan berlumpur
Mengerang sejenak mengepal tinju
Hembusan penutup bawa kabar untuk piatu

Ckg30218Jabelengbeleng

Mengintip Pagi

Mengintip pagi

Riang betul tekukur pagi tadi
Bisa menclok di tiang listrik
Jalan sudirman lajur kiri
Seolah pohon Senayan sudah tidak menarik

Dibangku taman duduk pria berjaket
Tampak ngantuk turun dari ojek
Tas selempang bak kantong keresek
Tersibak gemblong  menyembul lengket

Bangku sebelah ada wanita duduk
Tetiba datang lelaki hidung tersumbat
Bertopeng masker buluk
Asik bergadget seolah madat

Ku hisap polusi pagi
Kulihat warna warni penghuni bumi
Dari sudut yang tersembunyi
Namun sang tekukur mengetahui

20218_Ts/Jabelengbeleng

Begu Naimbaru

Begu Naimbaru
Panurat: TSimanjuntak

Sada tingki manogot dinalao borhat tu hauma Amani Tingko, tarbereng ibana ma solop ni Inantana peak di sabola toru karosi"dashboard" ni motor nasida.

"Ma,e nion solop mon, buat on,sotung markaki ayam annon ho karejo ninna A.Tingko manggora sian garasi jabuna.

"Biarin aja disitu,jangan diturunin,Aku nanti pake sepatu" dialusi Omak ni si Tingko ro sian bagasan mandapothon ripena.
Boru Sileban do ianggo ripena i dialap gabe boru Batak ,ianggo sangkorot hata Batak i diantusi do nian.

Tumben, emang ada apa Ma,e? marhata Indonesia Amantana.

"Asa adong jaga jagamu, hujaha angka na masa sonari jebu hian di alaman Pesbuk Mak Lambe Turah, lagi musim Valakor"

"Begu aha Valakor i?"

"Itu loh Pa,e, yang lagi rame dihatai di medsos sebutan tu Perempuan penggoda suami orang"

Jai, aha hubunganna solop mon tu begu Valakor i?" Penasaran A.Tingko

"Molo adong boruboru manompang tu motormon asa diboto borua i naung adong do ripemu" ,ninna Omak si Tingko mangalusi siadopanna.

"Ollobollo dao nai hali hali mi tu si Ma e" ninna A.Tingko

"Iya dong Pa,e preventif kami para istri dan bu RT sudah memutuskan dimulai hari ini"

"Uee,pola sahat tu RT...? " ninna A.Tingko manghatai dibagas rohana sangombas.

Boha,dang satolop ho Pa,e hubahen solop hu disi? Antar gogo saotik suara ripena tarbege A.Tingko

"Eee..aaa...engg....nganu...Oke lah Ma,e asalma sonang roham" ninna A.tingko mangoloi pambahenan ni ripe na i.

"Ma,e ise do si Mak Lambe Turah i? Datu do i"?

"Dang pola botoon mu i Pa,e ,interen nami angka Ina ma i" ...laho ma ne i,sotung tarlat ho mangombak" ninna O.Tingko mangujungi panghataion nasida.

"Bah...

250917ts

Gangguan Talipon

Gangguan Talipon
Panurat : TSimanjuntak

Gangguan telepon

"Halo Lae....Horas!!

"Horas, Horas Lae ?"

"Ise do on ?"

"Agee...pintor lupa do hamu tu ahu Lae,,,,tutu ma tahe si Lomo goarmu, lomolomom patolhashon hata i".

"Ohhh..sorry ma Lae , ganti henponhu dungi songon na bongor soaram tarbege sian bariba on. Apala aha naporlu Lae ?"

"Na hubereng do di sitalpas halinu medsos on, online torus Lae arian borngin".

"Imadah Lae , na mamuhai marsiajar do ahu martigatiga online" .. singkat ni gagal iba tu Bajalingge ""

Aha tiga tigam Lae? atik boi adong situhoronku disi?

"Agooh Lae, asing do tigatiga hu jala marimbar do songon tigatiga ni angka dongan.

"Dok ma, asa huboto,,,,pola buni buni ho tu ahu?"

" Unang bossor da Lae Juntak! On ma tigatiga hu: Bel.....titik..titik....tut..tutttt...the number you are calling is not active or not in the coverage area"

Dang marudut on... mardaon pogu majo
140917ts

Hagogoon Ni Nipi

Hagogoon Ni Nipi
Panurat : TSimanjuntak

Molo marnipi hita songon ahu majo dohonon, somalna sahira dohot do iba di tongatonga na masa di nipi i rupani ,boi binereng sude angka ulaon i dohot dalan saritona dibagasan nipi i.

Marragam do ianggo bungani nipi , adong marnipi pajumpang dohot natorasna, ompungna, hamletna dohot angka donganna dohot lan na asing na hurang tangkas astuanna isi ni nipi i, sipata angka dakdanak pe molo paloja hu marmeam boi do marnipi martata dohot sai tumatangis borngin nai , molo dakdanak somalna mamereng parmeaman na mai di bagasan sadari i manang paloja hu.

Adong marnipi sonang adong muse marnipi na mambahen mabiar ( biasana laos tahataon ma i dibagas rohanta " aha ma nuaeng na masa?") dung dungo torang ari.

Jotjot binege didok angka na tumua , ia nipi i bunga ni modom do i ninna. tungpe songoni pandohan taringot tu nipi hape di hangoluan siapari godang do na mangaringkothon nipi dohot manjaha arti ni nipi i ,tingki masa porkas manang singapore ujui ,on ma na parjolo di sungkun angka pangisi ni warkop/kode di depok tingki sarapan manogot andorang singkola: aha nipimu poang ? dung hupaboa adong nipi ku manang so adong biasana laos di bereng ma pustaha na margombar i, atik adong sangkot arti nipi i tu nomor di harotas na margombar i.

Rap Taboto do godang dope pangantusion taringot tu nipi , makana ndang pola hupatorang dison.

Mulak tu ahu ma hata nipi on, ia ahu molo marnipi ndang pala hupikkiri manang huingot isi ni nipi i, alai molo di sada tingki manang sada kejadian las ni roha manang habot ni roha biasana songon mulak muse gabe huingot NUNGNGA hea ahu di ulaon i manang suasana kejadian i ( marningot tupudi).

Ndang sada dua hali songoni,sipata gabe mabiar do ahu, aut sura nian huboto naeng adong na masa songoni boi ma nian hu ulahon songon an unang songon on, ninna roha songon na binereng di film, boi mamutar tingki (waktu).

Sai ima sipata marhusori dibagasan rohakku molo adong na masa habot ni roha, boasa ingkon pas di kejadian i gabe huingot muse na hea do hunipihon si songon i?

050717

Sallotak

Sallotak

Panurat: TSimanjuntak

Hujaha hata -sallotak- diarbishon dongan gabe huingot ende on. Ima sada ende na boi gabe lotaklotak tu ahu sada ama naposo.

Huingot muse Amang parsinuan hea sahali mallotak anak baoa na on molo lalap marmeam tingki dakdanak.
Tingki mallotak didok ma hatana " oncop ma abarakkon molo tangkang ho marsingkola"

🎹🎸Sai martua sonang ma angka ruma tangga i
Molo Debata Jahowa ojahan na i
Na pasiding hageduhon na mangula patik i
Na so mambahen marangkup Debatanta i

Tung pe masa hasusaan nang arsak ni roha pe
Tung godang pe parungkilon,songoni nang mara pe
Ndang tahutan ndang sumurut manundalhon Tuhan i
Sai tongtong do marsihohot mangoloi Jahowa i

Antong hita sude na angka dongan Ama i
Sai hehe ma tatuju sondang i
Arahon sasude na pangisi ni jabumi
Mananda mangoloi Jahowa i
Mananda mangoloi Jahowa i 🎷

2082017

Tarboto

Tarboto
Panurat: TSimanjuntak

Taringot puro puro ni Dainang,
Tinghi SMP ahu martiga tiga ma Inong dijabu di Depok, asa adong halilian na paima ro gaji sahali sabulan i sian Damang.

Jadi,molo mulak singkola ahu...-molo nadihuta tu hauma ma ate-

Molo naeng mangan siang Omak,ahu do disuru manjaga tigatigana di jolo bagas i.

Ribur do antong , molo pagi ma na umribur sude marsiadu manuhor sian miak tano sahat tu gosok ipon.

Molo tonga ari tarlungun do panuhor ala ni milas ni ari..monjab dibagas na be.

Tinghi manjaga tigatigana on sai hudadapi do inganan ni hepeng na,adong mai inganan gombar amanta soeharto,ibu kita kartini dohot saribu, lima ratus gombar orang utan do tahe? dohot receh.

Molo inganan margombar amanta nabolon i di hinsu do..dang boi bukaon ,ingkon dibongkar do..ndang barani ahu.

Jadi ,molo ro panuhor hu simpan ma hepeng nai tu saku hu.

Somalna suapulu ribu sahat tolupulu ribu do nahubuat.

Dungkon hira sidung mardaonpogu sajom, ro ma Inong jala mulak ma ahu tubagas.

Hepeng i godangan hupangke manuhor buku do isarana Cerita silat Wiro Sableng,RPUL, pendekar pedang tumpul,goosebump...sisana marmeam dingdong ma goarna...nunga tamat ahu permainan hapal SEIBU i..molo diingot hamu.

Hea do husungkun Inang ,diboto nasida do adong hubuat. On ma alusna

" Taulah mama, Bu Iceh tetangga depan rumah kan cerita kalau dia belanja siang,
Bu Ropi juga,suka cerita kalau belanja buat bahan toko kue nya"

"Bah..tarjergot ahu..wkwkwk..."

Mauliate Nande....

23102017

Guling Ari

Situriak guling ari

Panurat: TSimanjuntak

Tunjangkon ma bulan tula i
Sai maos mullop ganup bulan
Nga malungun ahu tu si boruadi i
Lak soadong baritana sian luat eropa an

Ale hasianhu.......!

Pasuman bahen abit mi laho mandok hata
Ampit surathon sidohononmu
Unang songon indahan na tata
Gotap pe hita na mardongan sai unang ma adong na talu

240817ts malungun

Diuhal Sian Aek Mual

Diuhal Sian Aek Mual
Dienet sian buku: Tolbok Haleon/ P.Pane 1901

Torsa torsa hata Angkola,
Hupaandar alana songon na holip halak Angkola on dibahen dongan luat jonok tusi.

"Namboru ! Dongani ma au jolo mangalap dahanon tu losung aek an,lungun huida dalan on" ning anak boru namarbaju i.

"Ia bo maen, ta i tibu hita mulak,au giot mardahan" ning namboru na i.

Dung tolap halahi tu losung aek i,dijama jama namboru na ma dahanon i,bia ma na saksak boti hortang hortang.

"Eme si aha de he on maen?"

"On ma da boto ho namboru ,eme sikopal cino"

"Eme sikopal cino?" On dope hubege goar ni eme si songon i",anggo nahuboto Sipahantan do na jumeges dahanon di Angkola on.

*Indang apala dao tu hata Toba i...

181117

Hapapatar Na Marimbar

Hapapatar Na Marimbar

Panurat: TSimanjuntak

Jadi,hujamajama ma hinsu ni gilinggilinghon , hudollat ma asa marbungha pintu gilinggiling on, topet naeng bongot Inang ni gellenghu.

"Tit..tit"...songoni ma soara ni giling gilinghu molo talak, jala holan "tit" sahali ma molo manghinsu.

Sai songoni hupataridahon tinghi hundul hami dung sidung di sada ulaon. Sai hutioptiop hinsu gilinggiling on asa sude jolma na hundul di halianghu mangidaan.

Hualsip timbahoku bagas :
"Bereng hamuna, nunga adong gilinggilinghu", boti ma hudok dibagas rohanghu.

Tarbeteng ma huhilala nahubaen i, asa patar sude mangidaan gilinggilinghu naimbaru on.

Jadi mulak ma hami, hubungka ma sude janjela gilinggilinghu asa sude natorop mamboto jala ndang lupa dipakaluar Inantaku ma uluna asa tarida ise do nadibagasan gilinggiling i?.

#Sarkas

14012017

Es Krim

Es Krim
Panurat:TSimanjuntak

Di sada tinghi manjaha tingting, tarbege ma soso soso sian Amang Sintua sian jolo taringot tu manjaga haiason ni bagas joro.

Tarlumobi ma di singkola minggu ninna,ima tarsurat di tingting i taringot angka pampers/salaoar dakdanak sahali pangke natininggalhon peakpeak songoni di bagasan bilut parsingkola mingguan.

Boha ma rohanghu molo di bagashu sandiri ditinggalhon tamue pampers ni gelleng na jala disolothon disuhi suhi jabuhu? Olo ma ra dua ari sada borngin hupahata hata tamue i...:ninna rohanghu dibagasan.

Di na marsintuhu i ahu mambege tingting ,tompu manaili simalolonhu tu toru karosi nami....hape disi pe peak tardege ahu harotas warta dohot angka tungkusan ni es krim ....bah.....

3122017

Pakansi tu Hampung Togi dohot Huta Banjar

Pakansi tu Hampung Togi dohot Huta Banjar

Panurat:TSimanjuntak

Na di ari pakansi kemerdekaan minggu nasalpu mardalani ma hami dohot tunggane boru niba tu Hampung Togi di bariba utara sian desa na ualu di Indonesia. Apala bagak jala uli berengon humaliangna songoni muse pangisi ni hutana nalambok malilung manise angka tamue na ro tu si.

Simbur suan suananna upa ni loja siburju burju na hot mameop uhum ni Adat na pinungka ompungna sijolojolo tubu.

Dang dao hombar sian huta i, hira hira saparopat jom pardalanan adong muse sada huta namargoar Huta Banjar. di Huta Banjar on boi taida mangolu denggan bara parsaoran diangka pangisi huta i, marsiaddapari na rosu, dao sian hageduhon, sandok sitiruon ma angka adat na masa disi.

Di Hampung Togi Husangahon hami ma mainondur drama Ompu Pulo Batu tingki mangalo bolanda, diuduti muse opera "Si Lomo" sahat tu tonga ari.

Dung sidung mangan siang napinadar, hutorushon hami ma manonton show Tortor, Gondang dohot Sulim sahat tu Tulila na maroing oing..
Di parsadarian i diujungi hami ma mangaligi pawai marobor obor "taptu" mamolus dua hutai i.

Taringot sipanganon, sotung lupa hamu mandai tabo ni sipanganon di dua hutai, 'Rabar" ma goarna.
Unang lupa dah!! sotung ro ijur muna dipudi ni ari.

Adong dope nian ugasan naporlu botoon muna ... ia di dua huta i boi dope jumpangan muna marratus pustaha songon torsa torsa,turiturian,situriak, dohot ragam raksa parbinotoan taringot ulaulaon dohot lan na asing . Sude angka pustaha i tubu sian jamajamaan ni Panggurit manang Pujangga na mian di dua huta i.

Marsogot nai mulak ma hami tu tano parserahan, tano sileban, tano pamangkuran nami,tano na dao sian dua huta on.

Mulak tarhapit ma muse di gerbong ni kareta api ganup ari,
Alai ianggo taringot dua huta i mian do tong dibagas roha nami dang boi tarlupahaon.
Tung i nama riburna pardalanan i bahen palambok pusupusu on.

Andigan hamu tusi?

1092017

Marnipi di Gareja

Marnipi di Gareja
Panurat: TSimanjuntak

Sada tikki di ari minggu margareja ma hami tu luat na dao..songon aturan na hombar tu tata liturgi gareja lutheran marende puji pujian ma parjolo dungi jongjong ma votum diuduti marende muse...

masuk ma tu tingting,dung sidung dijaha namasa dohot na naeng sipamasaon ditutup ma tangiang pangondianon...

Tep..hohom ma sude...ditonga tonga di na martangiang sian jolo pangula ni huria...tarbege ahu ma soara na asing , songon ende koor ma begeon pas nagkokna pas tuatna soara i hira adong dirijen na...gabe ndang konsen iba alana pippit dope simalolong niba mambege soara i...hubukka ma simalolongku otik hubereng ma tu siambirang...agoi amang tabonai parpodom ni amanta na sabola ambirangku on...mungkor ungkor huhut itarik ma mommona di bagasan igung na i naik turun bongor ma antong begeon suara ni parnangkok ni mommon nai..

Amin, ninna ma sian jolo...tarsonggot ma amanta on laos madabu ulu nai tu abara ku laos dungo ma nasida dirimpu nunga sahat di Amerika....

uee tahe tabo nai na modom marnipi i, jala lambok pur pur muse bagas joro i dibahen angin ni AC Gareja i...

Selamat ari minggu. 23042017

Mulak Tu Huta

Mulak Tu Huta
Panurat: TSimanjuntak

Mansai godang do abatabat pataruhon namonding mulak tu huta sian Jakarta.

Bot ari di Lahat, tarpodom ma ahu, jala supir ambulan pe dohot do tarpodom .

Meol-eol ma pardalan abbulan nami on jala sanga masuk tu kobun ni parhuta i, dungi masuk muse tu dalan balobung.
Topet ndang adong agia sada motor sian jolo ,holan motor Abangku do di pudi.

Didok Abanghu, na dipotuk do motor nami dohot hunsi siteur bahen dungo supir abbulan i, molo ahu di gotil sadia gogo gedekgedek hu tong ndang marna dungo ninna.

Ndang binoto be i ,molo ndang adong dua mobil hami na mulak i.

Holan hami nadua do nian di abbulan i, dohot patoluhon na monding on dibagasan jabujabuna.

Tonga borngin, sahat ma di harbangan huta i jala mangkuling ma sude angka panangga marsialusan sian dolok.
Rahis dohot landit do dalan tano i tu toru. Mardalan nanget-nanget ma motor on ,huida saba ma disabola hambirang dohot sunge sabola siamun.

"Ngrekk....."tarsilandit ma duassa gilinggiling ni abbulan on sabola hambirang.

Sajom himpal ma hami ndang morot sian hundulan nami paima ro parhuta mangurupi.

Hudok ma tu Inangtua nahinan:
"Nunga sahat be hita di huta, unang jo marhusor bahen jabujabum da !"

Marsogot nai maneat horbo ma sada hami.

#puluhantahunlalu 200118

Tu Dia Ma Luluanhu

Tu dia ma Luluanhu
Panurat: TSimanjuntak

Hea do ahu gabe saong saongmu
mangalinggomi rohamu sian halisungsung
alai dung salpu alogo halisungsung i
ditadingkon manderse sasada ahu

Marsak bolon ahu lobi marpulu hali bulan tula
Paimahon ho dibagasan sihol
Sampe tarngek ateatehu,
dohot mahiang sitalbeonhu, ala ni ho ale Si Boru Bujing?...........

Logo ma udan, sonang ma habahaba
Mulak ma babiat tu harangan
Mijur ma pardalan dalan
Salpu tingki ndang tolhas hata mardalan

Mintop ma panghirimonhu
Sesa ma parningotanhu tu ho
Tungkis ma sude holonghi
Alai...boasa huingot ho borngin on.......?

15012018_ts

Paralealeon

Paralealeon

Surat ulang : TSimanjuntak

Apala na rumosu sian na rosu ima Paralealeon, hira rumosu do i sian tu angka na asing, ai anggo tu Natoras dohot tu tondong ndang sai dipaboa nipina, alai anggo tu alealena dipaboa do.

Maragam do bingkas ni paralealeon, sian na pajumpang didalan,sian parjujian,panangkoon,habeguon,harajaon,partigatigaon,hapandeon,haposoon, parhuriaon dohot angka na asingasing.

Molo dung managam ibana sian alealena, hira maila ibana molo so dibalos manjou tu jabuna. molo sipanganon taruan dibahen alealena sipanganon taruan ma dibahen balosna.

Taringot tu sileanlean pe suang songoni, unang ripe mambuat ingkon dibalos do na jinalona.

Molo dung sanga lohot be paralealeonna i, olo do masihol molo pola leleng be so masipaidaan. maradu ditandangi sipata asa pajumpang.

Adong do paralealeon parmahap-mahap , dison godang do sindir umbahen sirang namaraleale, sitik ni hata,pambahenan na suhar, na so marningot di silehonlehon. jadi digoari songon paralealeon ni dakdanak do paralealeon sisongoni.

Paralealeon na tongtong, unang so rosu,unang marosuhu, i do paralealeon na tongtong, sahat do sipata saleleng mangolu paralealeon nasida i, ro di pinomparna tahe sai tongtong maraleale mangihuthon pambahenan nasida i .

.
Ruhut Parsaoran di Habatahon
Dienet sian buku nadipakalauar pusat pengkajian & dokumentasi Univ. HKBP Nomensen taon 1984

020118