Hutaraja

Tingki naposo mommonon adong do sada boru dongan -korespondensi-Jabelengbeleng di hutaraja HB X Ganup bulan sai ro do suratna jala migor dibalos do hatop. Tingki ekspedisi tu luat Imogiri,Parangtritis Bantul di sangahon ibana do pajumpang tu donganna i jonok sirpang Mantrijeron songon tarsurat di alamat suratna. Soadong dope masa sude nampuna telpon ,lamu henpon? ndang sidung dope halak Kanada manompa Blackberry hatiha i. Borua on ringgas rohana manurat torsa sejara jala alani i do pajumpa Jabelengbeleng di booth daerah tingki Jakarta fair . Dung loja manjalahi alamat i, jumpang ma natinuju marhite beca. Sanga dope mangan nasi kucing alani malena. Hape, baru dua ari sidung midodareni donganna i. Dang bolas be jumpang Disurathon Jabelengbeleng ma situriakna hatiha i dung das di topi laut selatan hundul di lage sinewa tolu ribu saborngin ====== Hugora goarmu dua hali Huulakhon manghaliangi tolu hali Marsurak ahu tu pinggol bulung timbaho Hugoit dangka ni hau antar huodothon Indang maralus... Dung ni, huhilap alogo martona: "Pabuni ma mago mi tutu" Domu tu si: Sotung ruar halinum di sinok modomku #ragamselasa

Minggu manogot

Dungkon mamolus opat bulan tula tarbege ma muse ende sian bagas joro.
Ende mamuji pasangaphon Panompa manisia.

Bogas udan sian borngin tarida dope sian bulung ni jambu mera. Manetek tebateba aekna mangihuthon urat ni bulung andorang so dabu tu tano.

"Ise do na mamamalu poti marende i Ompu Tumonggo boru? Songon ende no 809 hubege hatahatana".

"Ende paporitmu i  do i, molo namarende Si Rade do  naposobulung boru ni panggoreng godokgodok na di jae an, nangkin di sise do ahu tigki mamolus ibana tu gareja"

"Mauliate ma da tadok tu Debata, torop dope angka pinompar parhuta on na ringgas mamelehon dirina di bagas joroNa.
Nunga masihol hian ahu mambege soara sian bagas joro dung diambat pamarenta marpungu sian bulan maret alani sahit kopit on"

-------
Ia bagas Ompu Tumonggo topet ma di hambirang dalan panangkohan tu gareja.
Ganup ari holan juguk di karosi na ma ulaonna dung marsahit matua. Sipata mulak songon dakdanak ma pangalahona. Mura tangis!.
Molo mardalan piga langka nunga humitir be patna. tuani ma adong tungkotna songon pat patoluhon. Dao ma marimbar tingki Kapala kantor pos ibana. Togos timbo pamatangna.

====
" Sian mommonon nunga tatanda Si Rade on...huingot najolo sai juguk do ibana ganup minggu di tangga siminta andorang so mamuhai singkola minggu.  Burju jala toruk rohana tungpe birong saotik pardompahanna ala ditutung mataniari. lambok situtu do pangkuling ni pamanganna muse.
boha ninna roham? i ma tapasaut tu pahompunta dongan sagoarta si Tumonggo ?"

"Nion kopim,dorguk majo binsan las...molo rongkap do... lok ma pahompunta tusi"

"Alusi jo..molo kopi i tong do birong molo so disampur agia aha, alai molo alusmi boi do paubahon rohangku"

" Molo hudok dang satolop ahu , boha ninna roham?"

"Bahen dasorna antong asa binoto manimbangi"

"Na lupa do ho? dua pulu taon nasalpu dibuat Ompungna tanonta jonok singkola na di julu an?"
na lupa do ho sanga naeng marsitampulan Amang Simatua ujui ?"

" Bah.. huingot do i, alai unang antong gabe dohot hona margotagota pahompuna bahen,
muba ari muba do pangombus ni alogo...  !
Among nahinan pe nunga dijalo ibana rupiahsongon tuhor ni tano i dung mardame di kantor polisi"

"Unang ma bah...sosak dope andoarakhu molo huingot pambahenan keluargana uju i... dung i holan sada do pahompunta. hita nama songon ganti Natorasna. Halak parhuta nadao ma dialap unang parhuta on jala nantoari pe nunga hudok tu pahompunta asa unang be dipabagas pargaulanna tu Si Rade"

"Mardame majo ho tu dirim Ale Ompung boru. tu aha hita sai pagarahon mohop ni ateate. pamintop ma i sian bagas roham da!"


Tarbege soara poti marende dohot soara SI Rade  lambok mangendehon:

Nang dao tahe situjuonmi
Ndang maol ho tolhas tusi
Dipaima ho tomuonNa ho
Tung sonang do di lambungNa ho

Nunga tarida nangkok mataniari jala nunga marroan angka ruas mangihuthon protokol kesehatan laho marmiggu
alai Ompu Tumonggo Doli dohot Boru patusoal dope di minggu palimahon dung trinitatis i.

===
Ia si Rade na mulak do ibana tu huta tongon sosialisasi sian Kementerian Pedesaan ibana di kabupaten
Molo si Tumonggo nambura dope di ojakhon gabe Jaksa intelkam di Padang Sidempuan

#Jabelengbeleng

Taringot tu PODA

"Na unang, na tongka dohot na so jadi". 

Ianggo "Poda", i ma tiori ni pangajaran ni parbinotoan sian tingki tu tingki di patik dohot uhum.

Poda ni parbinotoan ima na manuktuk dohot manongkok tu bagasan roha dohot taroktok, asa marningot di poda ni patik dohot uhum i.
Tiori dohot pangajaran tu dakdanak ma " na unang" ;
Tiori dohot pangajaran ni poda tu na magodang ma “na tongka’ ;
Tiori dohot pangajaran ni poda tu Raja, Tunggane dohot Natua-tua ma "na so jadi". Di poda pangajarion ni patik dohot uhum na 3 i do sipodaan halak sude, asa diboto be na unang, na tongka dohot na so jadi (Patik / Uhum)

1. Poda ni hata "unang" do tu dakdanak, asa unang diulahon "na unang". Unang kotor, unang dijamai
    na hodar, unang tinggang, unang madabu, unang manegai, unang marbadai, unang manunda, unang
    manangko dlna.

2. Poda ni hata "tongka" do tu na nagodang naung marroha, asa unang diulahon "na tongka", tongka
   do goaran ama, ina, tulang dohot ompu, tongka do asupan natua-tua dohot raja, tongka do  
   margabus, mangansi dohot paoto-otohon, dlna.

3. Poda ni hata "na so jadi " do tu Raja, Tunggane dohot Natua-tua, asa unang diulahon "na so jadi" 
    ndang jadi manghaliangi, ndang jadi mamunu jolma ndang jadi manindangi hata na so tutu,
    ndang jadi hampion simatua boru, ndang jadi dohonon goar ni bao, dlna.

Angka na bisuk, na pistar dohot angka na marroha do pamodai silehon poda pangajaran tu sipodaan, asa diihuthon dohot diulahon hata ni poda i.

Jala pangajaran diruhut ni poda ni patik dohot uhum i parbinotoan dohot parningotan asa diboto be hakna/bagianna.

Dienet sian Pustaha Tumbaga Holing
Disurathon ulang : Amani Tim/Jabelengbeleng

Sirpang borngin nauli

LMT:

Sirpang Borngin Nauli

Panggurit : Tony Simanjuntak

"Boi do hupohul hamu sude, lak so adong pe ho dongantubu mura ma i,
boi do tartuhor ahu dongan parmargaan ".
"Haruar ho sian bagas on......".

.....taaaarrrr...mapuntar galas tartombom.

Sulpak ma hata ni Nai Balau tu anggina Amani Golap , maniak ate-atena umbegesa.....ndang tolapsa be mangalusi jala mulai sian i masarsar ma holongi di na martondong.

Singkam mabarbar ima ala na so targarar Amani Golap be ongkos ni bagas kontrakan ni Angkangna.
Mulana perei do nian manggarar didok , hape ro ma Angkangna mandok ingkon gararon do ongkos mangingani bagas kontrakan i.

Dang tarjua Abangnai pangidoan ni siadopanna, pintor hohom do mangirput molo dung manghatai Tunggane borunai. Gurudok do molo marsiruntosan.

Tolu taon ma dung haruar Amani Golap dohot Si Golap Anakna sasadai sian kontrakan ni Abangnai, ndang sanga ditanda Si Golap Inongna apala marumur dua taon dope ibana ditadingkon ala ni sahit tetanus.

Saleleng on karejo ni Amani Golap holan papungu nasegasega do -parbotot-, isarana: kardus,botol botol,bosi dohot palastik, ima pandaramanna dinalaho pagodang godanghon Si Golap.

Jala laos di Garobak nai ma nasida padua modom marpindapinda martaruphon langit, molo ro Tuan Siajir (aek udan) mamispis ma halaki di emper ni gedung kantor manang ditoru ni dalan tol manang sitasiun kareta api.

Dinalaho mangalap gogo ganup borngin sai di palumehon do angka torsa nauli dohot ende Gareja tu Si Golap andorang sinok modom.

" Among, saleleng on holan sarito do hubege taringot pajojorhon hata ni Debata di ari pesta hatutubu Si Palua i,...ua boan jo ahu tu Gareja asa dohot ahu pajojorhon barita nauli i"

Marhosa ganjang Amani golap, tarjaha ibana reklame tanda bulan Desember sian garobak podomanna.
Maringot ibana nunga adong lima taon ndang hea be margareja, hape pasupasu ni Tuhan i tong do dijalo nasida marhite boi simbur magodang Si Golap.

"Olo Anaha, modom maho , huhut di pature gobar naburukburuk tupamatang ianakhonna mangalo ngali ni ari.
Dilangit bintang dohot bulan marsiadu torang manondangi nasida di bagasan garobak i.

"Hei, ngapain kalian disitu, mau maling ya?"....ninna sada doli-doli sian bagasan marnida nasida manghais diinganan rompak gedung na sun timbo i pagarna,sahira benteng.

"Nggak Pak, cuman mencari kardus bekas dan botol" dialusi Si Golap songon na mabiar.

"Awas ya, biasanya pura pura tukang beling tapi malah maling" ninna doli-doli Koster i muse songon na mangondam.

"Sreeeekkk..."haluar dolidoli i mangeret pintu harbangan pagar i,jala tarida ma gombar silang dohot marmare di harbangan pintu i.

" Among, itu gereja, gerejaaa... Pak," ayo masuk Pak,,,huhut ditarik tangan ni Amongna .

" Amang, boi do hami masuk? manghirim Anakhu songon dakdanak satorbangna, holan sian sarito do dibege ibana pajojorhon".

"Molo siat pangidoan, holan jongjong pe satongkin Anakhon dijolo asa diboto nasida songon dia do rumang ni pajojorhon , pintor mijur pe hami hatop"

Tarjolma doli-doli i mambege pangidoan i, " On do hape arti ni Natal, ingkon haholonganmu donganmu jolma songon dirim" .
manghatai dibagas rohana taringot pangidoan ni Si Golap na sederhana i.

" Cepat yah, nanti keburu datang Vorhanger, sotung di muruhi ahu".

Hinsa marlojong Si Golap tubagasan ,ditanggalhon ibana solop swallow naung tipis i dipangan aspal, ditiopi ma bola bola ni hau Natal i, las situtu rohana. Manaili tu ginjang diida ma Silang i torang sian lampu dipudina.

"Burjumi Tuhan, saut do hape ahu marliturgi" targogo didok Si Golap.

"Songonon do Among parjongjongna?
dipadimpos tanganna lompit ditoru ni andorana.
Tongam ma antong berengon, tung pe abit namaribakribak pinangke Si Golap.

Tarilu Amani Golap, "Mauliate ma Tuhan" nanget soarana.

"Kereeeen" , huhut diangkat duassa Ina ni jarina.

"Dimula ni mulana ditompa Debata langit dohot tano on". Amen..."

"prok..prok..prok".......martopap Koster sian karosi pudi.

Cikarang, 24 Des 2017 15:43 pm

Dorpi kost

Torsa Dorpi ni Kostan
~asa ribur~

Borngin i doras ma madabu udan sian tonga langit. sasahali tarbege do ronggur alai sun daona bahen ndang pala mabiar iba.

Hundul ma sahalakhu di lante dua kostkostan tarhira marpitu kilo tu istana negara jala holan sakilo meter maradophon tu kota tua.

Tungki ma simanjujungku mambuha dompet naung maribakribak kulitna,maturtur lapisna dibagasan.
Hutiop jala hupanotnoti ma gombar boru natinodo ni roha.
Borua na manggulut soara ni pusupusunghu ganup tongkin.
Toho ,holong do rohangku tu ibana i ma holong na polin na so mardangka.
Ndang adongtubu utokutok na dorsun tu ibana,parange na so ture jala laho mangumma sitalbeonna pe datung tolap ahu mangulahonsa.

Dung puas huhilala manotnoti gombarna i,hupapeak ma daging on mamereng lagitlangit ni kostan i.
Holan maranganangan ma ulaon borngin libur karejo.
======.
Dung marsitandaan dohot borua na margoar si Lilis i antar ringgas ma iba karejo.
Si Lilis boru sunda Amongna, dongan na hutanda diparkarejon.
dongan mangan , marmeam dung mulak karejo.
Alai dang diboto nasida lobi sian holan mardongan holongku tu ibana.

Tep....

"dug..dug..dug...!, adong manuktuhi biluthu lam leleng lam gogo, humalaput pintor hubungka hinsu ni pintu i
"Lilis........!!", bollang simalolonghu marnida harorona i.
Dionjar ibana pintu i laos bongot tubagasan jala nunga sap matonu sude abitna.

"Beleng, boi do hupangke bajum, nunga ngalian ahu", huhut lompit tangan tu andorana manghutur ala ni ngalina.
"Beleng, woi....hatop ma buat" ninna muse manggora ala sai tong ngongong jala bollang hira so toho na masa on .........

#Dangsiahutlomoniroha

Maleann

Nantoari laho ma Jabelengbeleng mangebati luat hasundutan Jakarta.
Adong do tiniopna surat mandok bolas do ibana mardalani ala ringkot mulaulaon.

Dungkon tonga ari, mangido sipalas roha ma butuhana marhite soara panggora sian bagasan.
Hape, soadong nabungka siparade sipanganon bahenna puaso angka donganna.

Tinulluk nasida ma andoroidna mangalului onan na so marsoara (online food), alai tompu diingot ibana Lapo inganan sipatupa mangan halak Batak margoar Lapo.
Di jalahi ma di sipatudu dalan(google map) tu lapo najumonok sian ingananna.
Dapotna ma mardua kilometer najumonok, tarida disi adong gombar kode i sian hau dorpina. "Tabo ma on mangan pasombu tagas" ninna rohana ala songon dihuta tompa ni lapo i mardorpi hau.

Wusss, mangaraun ma motor manopot inganan i huhut nunga dihalinuna sangsang ,panggang bedua i dohot arsik dengke mas plus ingkau rata.

Marsampulu minit das ma ibana diinganan i dungkon marputor piga hali diboan gugel map i na so tingkos i sipata
Nanget dipadalan motor i mamolus ;
"toho do on" ninna rohana songon na ganggu mida lapo i.

Tarida diduruna dompak hambirang adong dua baoa marpangkas. Lapo i pe holan pintuna do talak ,ia janjelana holan sada papan do bungka

Lam ganggu rohana, ala songon na golap idaon jala dorsun alamanna.
Tep, ruar ma sada dakdanak bajar landit sian lapo i hira na baru dungo bohina.
Tep ruar muse dakdanak sian bagas lapo i huhut hurehure mommonna dang marbaju

Dang pala leleng, di dege ibana gas motorna i mulak balging malean. Pedi ma!😭

#ragamminggu

65A

Mardalani

Pinantikhon ma ia hujur
Sai na martopi do ianggo tapian

Manang tudia pe na mijur
Disi ma talup dapotan parsaulian

===
Pasir berbisik

Jadi didolok i adong ma adaran na bidang nadigoari "horsik marhusip".
Ninna, alani gogona alogo mangombushon laut horsik i gabe hira na marhusipma tu sipareon begeon.

Adong mandok, najolo adong dakdanak borua dohot Inongna tinggal dihuta i naditadingkon Amongna ndang marna mulak.
Ala lungun huta i jala ndang aman sian angka parjahat sai dihandanghandangi ma boruna i unang marmeam dao.
Jadi ganup ari sai manungkap do anak borua i mambege horsik namarhusip marhite alogo. Sian husiphusip horsik i ma donganna marnonang mandaoni pandeleanna paima Amongna mulak.

#palambokpusupusu
#Jabelengbekeng

Imbar

Jadi songonon,
Nunga hea nian dihatai alai i ma ra gumodang an idaon molo partondongan.

Sipata maol do taronjar roha mangurupi tondong,alai molo tu ruar sai hipas do iba mangurupi...molo boi iba nian parjolo 😀

Isarana martigatiga ma tondongta,di tawarhon ma tu group WA keluarga dohot parsahutaon ragam boniagana dang alana corona, masa -normal- pe jotjot do adong martigatiga isarana dongan manang tondong.

Asing majo martigatiga, adong muse mangido sapsikirip youtube songon hudok ditoru on:

Jadi ro ma nangkin siampudan,ninna
"Among, share dulu ke group biar di like dan sapsikirip youtube Adek " ninna

I do tutu ninna roha denggan mangido pangurupion. Hape holan 3 do sian marpulu anggota WA tiga group partondongan na rade dohot marespon dungkon 3 jom,postingan asing mamolus do doras.

"Aduh, gimana sih Among kok gak nambah",ninna muse tu ahu

"Gini aja, Adek tenang.. percaya sama Papi"

Hutongos ma antong tu group parkarejoan, adong martolu pulu dongan karejo niba.,hudok :" Tolong bantu ya,like dan subscribed akun Adek, biar semangat katanya "

Dung dua jom, ro ma siampudan on mandok :
"Papi, udah nambah 30 yang subscribed"

Huida ma group WA karejo , angka on ma alusna:
- Siyaaap Pak
- Done Pak
- Maaf baru buka hp Pak, done
- Semangat Adek, Om uda tambahin serumah sapsikrip akunnya

Ninna roha, sian ias rohana do mangalike manang mabiar dipelpeli di parkarejoan sogot ari selasa?...hahaha.dang binoto

Rahis

Rahis pe dalan i
Bolusonku do Anaha

Hir pe hodokhu
Hutaon ma i Boru

Pul ma tahim marsingkola
Hutaon pe na dokdok i

Pos ma roham
Ai togos dope abarangku ( maheu do nian )

#ragamsabtu

Paima jajan

Songonon ma ujui Jabelengbeleng ganup manogot tagan so di lehon pasituakna ..eh jajanna

Sai tarpaima pinomat jigo/duapullima adong bohal manuhor goje😃

#ragamrabu
Mual:genx

Manondur tipi ujui

Songonon ma Jabelengbeleng najolo manondur tipi tu hombar jabu.
Manilik nilik sian duru .
Ai soadong limperna boanon tu bagas ni Toean

Seruu...!
#ragamsabtu
Mual: gen89

Lowongan holong

Lowongan holong
Ts/Jabelengbeleng

Ari rabu nasalpu.. mangkuling henpon hu alai ndang adong goarna holan nomor do tarida,hurimpu si Minah manang Serepina salah sambung.
.
"Halo Pak Tony? "Halo juga, ini siapa ya?
"Saya si bedul Pak, yang dulu anak buah Bapak di perusahaan Anu..
"Apa kabar dul ningku mangalusi dohot udut na...

Si dul ,sada dongan karejo (mangganti istilah anak buah,hurang pas huhilala molo idok anak buah,hurang"value"na) ditempat karejo najolo .
Ringgas karejo ,hatop mangantusi molo pinatorang. Boi do di ingot ibana ribuan item barang sian,Indofood,Wings,Unilever, dohot lan na asing.
Jei nung sidung marsitaripahan hata idok ibana ma na laho sipatolhason nasida.

Adong omakna mandohoti sada agen travel laho paborhathon haji ,.nga mardalan hira 5 taon omakna manabung sasaotik, pungu ma 50 juta laos taon naro ma borhat.

Hape sabulan na salpu ro ma barita na so hapudian, nunga disegel kantor ni agen travel i ,ndang pola dao nian sian hombar jabuna , laho ma angkangna sipaidua patakhashon baritai...tutu ma antong nga tutup be huhut disegel garis polisi kantor i.

Jei, sai tumatangis ma omak na on ganup ari ,ndang tartaon na be sude na masa on,marsak situtu rohana, mago ndang jelas hepeng i alana nga kabur nampuna travel i...mandele ma omak na on.

Tep, idok ibana ma tu ahu songon sangkap ni rohana...
"Ada kerjaan gak Pak buat saya? atau di tempat lain?
Dipatorang ibana ma...laho kaluar ibana sian parkarejoan saonnari asa dapotan songon pesangon, gabe i ma annon dilehon nasida tu omakna asa boi borhat haji...dua angkangna holan dapot ngolu ngolu siapari do ninna nasida.

Hulehon do songon panorangion nian, songon manginjam sian bank,kasbon kantor dohot lan na asing, alai di dok ibana ndang boi hepeng paminjaman molo ipakke laho borhat haji!!...on dope huboto ndang boi hepeng paminjanon laho ipakke borhat haji.

"Oke dul ,saat ini belum ada posisi kosong,coba nanti saya sounding ke teman yang lain, mulia sekali jalan pikiranmu" ningku manutup panghataion.

Dungkon sidung martelepon ,tarhohom ahu marningot hata si dul on...tarida ias rohana mangurupi natua tuana ,olo ibana manukkar ngoluna asa borhat natua tua i haji.
Tupa pambahenanna dohot tarida tangkas holong nasida na marnatua tua i.

Hugurithon torsa on,ndang adong dope barita lowongan kosong sian angka dongan. Husolothon pe annon ho poang!!

34

Manondur tipi ujui

Songonon ma Jabelengbeleng najolo manondur tipi tu hombar jabu.
Manilik nilik sian duru .
Ai soadong limperna boanon tu bagas ni Toean

Seruu...!
#ragamsabtu
Mual: gen89

Marlayang

Marlayang layang di Jakarta

Ujui tikki kalas tolu SD ahu di Rawasari masa dope marlayang layang jala ribur, saonari nga jarang haidaan di kota Jakarta na balau on, pas ari sabtu somalna ro ma Among manjomput ahu mulak tu Jawa barat.
Marpiga taon di bagas ni Abang dohot Kakak on ma au tinggal marsingkola mandongani halaki jala dang adong dope ianakkonna. Partondongan sian Omak do Kakak i jala guru SD di sikkolahu.

Mulak ma au tu jabu sian parmeaman marlayang layang ngamaraek pahean alani hodohan dohot marbirong bohi i ,dungi muse nga monang maradu layang..nga puas manarik bonang i jala nga dua musu talu hubaen .

Dung sahat di di bagas hubereng di ruang tamu kosong ,lagi mangan siang di ruang makkan . Alani uasna songon na mantap hubereng galas namarisi tes manis i , gok dope isina.
Langsung ma hu inum sampe kosong galas i..dung sae huminum songon na asing huilala daina ,dang disi tonggina manang paet ni bubuk tes i, dang husungkun dope tes ahai pittor ro ma donganhu si Imron mangajak marlayang layang muse...penasaran ibana ala talu putus layang layang na dua hali, "sahali on ikkon talu na ma ho ,bereng nga hu tuhor be bonang naummarga sian naparjolo ninna ibana tu au. Beta ma tabuktihon di lapangan nikku mangalusi.

Manangkok ma layang layang on, di sabola baribaan dongan ku si Imron tong sarupa nga di langit habang layang layang nasida... mulai ma manarik bonang on pajonokkon tu puna ni dongan marsiadu jago manarik layang layang on,unang lupa paktor alogo pe ikkon diperhitungkon do antong asa togos bonang i dinalaho manyittak bonang ni alo niba. .. toppu ma songon na lenong parnidaanhu lam godang hubereng layang layang i diginjang, dungi marputar huida sude portibion ..gubrakk!! madabu ma au tu tano lapang i laos hu umma ma tano i... sadia leleng ro ma Among dohot Abang dung dipaboa donganhu aha namasa..disungkun Among ma "marhua ho? aha di inum dohot dipangan ho nangkaning? ninna huhut di pahundul au di toru ni batang ni jambu cincalo merah...hualusi ma "holan tes manis na dimeja ruang tamu i do hu inum Among nikku nanget soaraku mangalusi, "bah nga maup be dang tes manis i pittor di dok Abangku ma mangalusi sian pudi , ia na ni inum mi goarna Whisky do i huboan sian luat na dao oleh oleh martugas di ari naung salpu. Laos gabe mekkel-ekkel ma Among,Abang dohot Kakak mamereng au.
andorang so di patorang Abanghi dang huboto begu aha i na margoar Whisky!!... Kalas tolu SD do pe au.

ps. Lagi belajar marbahasa Batak  2017

esempe

"Amani Tim, nunga esempe be Anakta ,tongkin na i esema ma.
"Annon ulaonku dung pangsiun mamatamatai nasida ma tingki laho manondur pilim dohot donganna"

"Bah, molo mamunten donganna borua ahu ma ate Nai Tim?"
"Daong, ahu do tusi..hihihi.."
"Dungi mido pinjam motormu ma haduan nasida laho mangaraun dohot donganna"

"Daong hulean ah...lok disi marangkot halaki"

"Subo ma,molo dang dilehon ...
==
*Songoni do hamu Amang Inang?

#ragamselasa

Alani pira

Sampulu lima taon nasalpu songon na somal supir truk mandaftar ma naeng paturun barang tolor ni manuk tu parkarejoan.

Mulana dang adong na asing alana sa truk sahat do tu 300 poti orderan on.
Tingki paturunkon poti on pintu duru -loading dock- panjaloan barang i do tarbungka.
Pintu jolona tutup do jala i do aturan -standar metier-na.
Dung piga dan dipahusor partruk on ma poti i sian bagasan truk jala ihur ni truk i dang lurus tu -dock- alai miring do bahenna dang tarida tingki ibana paturunkon poti tolor on.

Dung leleng ro dongan mandok, "bereng jo sian samping on ulaula ni supir i"ninna
Hutingkir hami ma sian bagasan alai dang pala tarida sian duru tompa na mi na jongjong i.

Jadi, ganup poti nadipaturun ibana laos dibuat ma sada tolor i sian poti huhut dipapulik.
Molo 300 poti tolu ratus tolor manuk negeri ma dapotna.
Ninna rohana dang tarhilala moru timbanganna molo binuatna sada sian ganup poti

Dung sae dipaturun jalan dipabongot tu -dock- sude poti i haruar ma hami

"Tolong Pak, dibuka pintu truknya"
"Udah kosong Pak" ninna

"Bukaa..." Pinagogo saotik soara i

Hitir hitir ma duguldugul ni Amanta i dohot simangidona tingki mambungka pintu truk i.

Dilapor dongan sikuriti on ma jala marbarita acara.

Dung dua minggu hubege ma masuk tu pengadilan Amanta supir i hona pasal pencurian jala ro do panggilan tu iba gabe saksi

Di sidang didok imana ma: " Tu Warkop(warung kopi) do digadis imana tolor i bahen tambatamba parbodarianna"

===
Molo taetong 8 tolor sakilo molo martolu ratus butir piga kilo ma i? Jala sadia ma dapotna ganup ari molo mararga 8000 ra tingki i?
====

Alai tingki i dang tega iba alani tolor jala hudok do saksi meringankan tung pe murhing kapala sikuriti na mi.
"Tenang ma ho Pak Sikuriti, ahu pe mangadopi Parancis i annon molo disungkun dikarejo"

Ujungna didabu ma huhum sian 6 bulan gabe 2 bulan.
Tung pe songoni sai asi do rohangku mida Amanta supir i molo huingot, sambalikna sala do tong ulaula nasida i.
Uhum pamarenta ma manimbangi ninna roha songon pamenakhon andora na sosak on.

Tulang tu bere

---Torsa sambing---

Sada tingki andos torang jom opat lobi lima pulu mangkuling talipon golom .

Nirimpu lonseng alarm alai andul soarana. Pupu mangkuling...

' hiks.hiks..hukhuk..' soara Borua tangis dibaribaan alai tangis na asing begeon

"Halo Tulang, mido anju ganggu pagi-pagi Tulang" tarbege dope tangisna i

"Ise do on?, boasa tangis ho, aha na masa?" tarsonggot Jabelengbeleng jala dang sanga di ida nomor ni se

" Tulang , Saya menangis karena bahagia, karena interview yang dua bulan lalu gagal, dipanggil lagi dan pagi ini jam 10 akan -offering THP- masuk email tadi malam.Terima kasih Tulang yah buka jalan waktu itu"

" Boasa dung gagal testing paduahon dijou muse ho Bere?" alusi jo marhata Batak

" Di dok HRD , na tarpillit diginjangku mundur ala dohot Amantana pinda tu Minahasa"

=====

Si Bere songon hadabuan tarutung na balga, ise mamboto i?

Molo dung jambarna do ndada pola tudia i

Talu, sundat manang gagal dang pasti dope talu goarna i

Alani i, unang pintor mandele hita... sai adong do dalan siboluson

*Pagodanggodang ma tonditondimi Bere

#Ragamkamis