Dibalik ni dolok do panuatan

Dibalik ni dolok do panuatan

Sudah berkalikali Ibunya melarang Jabelengbeleng mandi di kali karena pabrik sudah berdiri mencemari, namun ia cuek akan larangan itu.

Suatu sore selesai main gundu, mandilah mereka dikali dan seperti biasa Jabelengbeleng langsung melompat ke tengah.
Tiba tiba, "kreseekk" kakinya tertusuk pecahan kaca menyebabkan merah air sekitaran.

Akibat peristiwa itu Jabelengbeleng meringkuk didalam rumah dalam beberapa minggu.

===
Firman Tuhan mungkin menegur dengan keras dan bikin hati sakit dan bahkan di -skip- ayatnya kalo tidak cocok dengan selera.

Misal: Kubaca soal jangan mongkus/rakus seperti tema minggu lalu.
Ketika ada ayat teguran misal jangan korupsi/manjalo sisip ,buru buru Jabelengbeleng lewatin baca ayatnya karena
-masih dilakukannya- praktek kegiatan itu.

Homang

"Aha do Homang Nande?"

Bah, apala aha na masa sahat tusi sungkunonmu Amang martelepon dung tungkap hudon?"

Nahujaha do barita mandok godang mate pinahan di luat Siborongborong ala dionsop mudarna alai molo sibukna/daging dang dipangan"
Godang mandok ulaula ni Homang,adong mandok Sigulambak adong muse mandok jolma mangalului alemo mardatu.
Patorang majo

"Oh ,ahu pe hu tondur do di tipi barita i.
Molo Homang, sarupa tu begu harangan do i. Dang haidaan tompana jala holan Datu do umboto rumangna nahuingot najolo.
Hea do Nangudam Parsurabaya najolo diboan Homang tingki marsoban hami tu tombak"

"Songon dia ceritana Nande, jojor jo patorang tu Anakmon"🙂

"Nga antar lupa ahu Amang, alai nahuingot hea tingki marsoban ma hami tu harangan songon na somal dung mulak singkola

Laho mulak huida hami do Nangudamon sangkot sobanna tu andor tingki manjujung soban i. Dijolo antong ibana.
Tingki i di dok Nangudamon : "pajolo hamu ma, hupature jo sobankon"ninna

Dung sahat di pinggol dalan tu huta maradi ma hami paimahon ibana, alai dang mar na ro.

Dung i di pataru hami soban tu huta tong dang haidaan ibana.
Ujungna di jalahi sahuta ma tu huta jala dipaligingkon tu Ompungmu Datu Siregar.
Di dok diboan Homang do Nangudam.

Dung dua ari dapot ma Nangudam tong dijujung soban i di uluna di tonga harangan i

Alai, leleng do songon na "kosong" tondi Nangudam, olo longangon ibana marpiga bulan.

"Bah, ngeri do ate Nande, torushon jo..."

Molo Namboru ni Inangtuam, hampir saminggu dang dapot di jalahi. Ari palimahon dapot ma ibana di harangan sangkot patna di hau jala nunga marnana pat na hona suga.

"5 ari mangan aha ibana Nande?"
"Mangan porhis dilehon Homang i ninna nahuingot"

"Jadi taringot barita i,hea do masa ujui Nande?"
Dang hea dope nahuingot...alai molo taringot sionsop mudar i ninna rohangku ulaula binatang liar do i"

"Mauliate Nande torsamon, borngin nauli ma!"

Haol

Naeng huhaol do nian simangarudokmu
Naeng hutiop do nian simangidom
Naeng hudulo do nian hurum
Alai,dao dope ari pesta di julu😊

Selamat Idul Adha Kawan
Resapi pengorbanannya
Jangan korbankan perbedaan
Rangkullah dengan pelukan

Ingatlah masa kita main gundu
Tak ada noktah
Ingatlah pohon singkong yang kita cabut
Ia lembut meliur lidah

#Jabelengbeleng

Baca puisi Batak

Untuk yang suka mendengar puisi berbahasa batak dan Indonesia, silahkan kunjungi

https://www.youtube.com/feed/my_videos

Ai ise ho huroha?

Ai ise ho huroha?
Panurat : T. Simanjuntak/Jabelengbeleng

Sai dipanotnoti Jabelengbeleng bungku harotas 'diarina' diatas ni meja naung maponggol i patna, boi pe jongjong meja i ala dilabangkon na ma tu dorpi bulu bahen boi dimpos jongjong.

Ia bungku( jaha=buku) i ndang bungku situtu nian , tebateba ni kalender do digusting ibana balikna saukuran tu bungku .

Nunga piga hali didok ibana tu Amongna mangido hepeng laho manuhor bungku.

Alai sian simalolong ni Amongna i nunga diboto ibana indang adong dope hepeng tarbagi tusi.

Jabelengbeleng, i ma sada goar nadiampehon Ompung baona tagan mangolu dope jala holan Ompungna do umboto lapatanna.

Bontar so marmudar ma idaon borna simalolong ni Amongna i naeng mandok: "Unang saonari jo poang, haru borasta holan sukkup tu dua arion na ma"

Ia Jabelengbeleng anak ni panggali horsik do dibatang aek.
Jala Inongna pe manggadis gogo do manussi dohot manggosok baju humaliang huta i.

Tu bungku diari i ma sude disaburhon Jabelengbeleng na sangkot dibagas rohana jala disi ma digurithon sintasintana haduan .

===
Sada tingki arian, malean ma Anggina mangido mangan..diida ibana holan satangkar na ma boras, dipagalak ma kompor sumbu, hape miak nunga tungkis.

Dibereng tu duru atik marisi dope jerigen miak tano. Tong do sarupa mahiang isina.

"Mardahan di dalihan pe jadi ma", ninna ibana dibagas rohana.

Dung i, haruar ibana tu duru mangalap soban jala dijomput palastik singkat ni miak asa hatop gara api i, ai tusam pe so adong.

Loting sian hau pe holan dua batang na ma, molo so malo mancertek*(menggesek batang korek api) korek hau i sidung ma. dang jadi mardahan.

Tingki mardahan ibana sai tangis ma anggina on alani malena, domu muse timus sian dalihan tingki diombus ibana. Maniak mata behen timus soban na maraek i.

Dung gara api i, tu jolo ma ibana huhut mangompa pudi Anggina. Diulahi muse manurat dibungku teba ni harotas kalendar i.

Na so panagaman martimus ma sude isi ni bagas i, tarsonggot ibana aha na masa ulaning?, hatop dilojongkon tu tataring mangida pardahananna.

Ueeeee...nunga jadi korak be indahan i.

Dung piga leleng ro ma Inongna maroban "kecap manis" tagelleng marsahap abese.

Tung pe indahan korak saut do mardaon pogu halaki. Dihois ma hudon bosi namarlomlom dibahen timus jala tarida himpal indahan korak i dipingganna.

"Paima jo satongkin,asa hulompa jo siarum napinutik nasogot sian parikta"
ninna Inongna huhut disangahon manggiling lasiak na tata dipadomu tu torungasom (tomat na so malamun).

"Olo bah Inong, asa mura bonduton indahan korak on, gabe dauk ma nian disaburhon hua ni siarum i" ninna Jabelengbeleng mangalusi.

Alai asing do ianggo Anggina, dang tahan be malena jala sai tumatangis.
Ujungna di gopugopu ibana ma indahan korak i dohot aek las, dung i diusehon ma kessap abese huhut disulangi ma Anggina mardongan holong.

Di na mangan i manghatai ma Inongna:
"Ale Amang hasian, on majo naboi tapangan ate, ingkon bolusonmu do na dangol on asa molo gabe hau nabolon ho haduan ndang lupa na sian lata do ho parjolo , ndang adong na manongtong diportibion, ingot ma i!!"

"Olo Inong, alai tuhor majo bungku (jaha :buku) parsiajaran agia sada pe nian sian mata pelajaran i". Tong do diigil ibana asa dituhor bungku

"Na adong i majo pangke Amang"

"Ringkot do bungku on Inong, tongkin na i -ujian nasional- na ma hami". Antar gogo soarana na mangelek i.

Hohom dang maralus sangkababa.

====

"Eda Romora, dia jo husali hepengmi laho manuhor bungku RPUL Paraman muna parsiajaran testing singkolana".

"Bah, pola manuhor bungku molo soadong hepeng muna?",
Diuduti edana hatana huhut manghilhil napuran dibalatuk simin jabuna.

" Ia anak nami pe ringkot do hepeng, naeng masuk singkola tentara "

"Huganti pe eda paima gajian itomuna",
dielek Inongni Jabelengbeleng muse edana.

" Eeee....eda on, ngahudok ...dihami pe ringkot do hepeng , molo ndang monang ujian anakmuna annon tumagonma manggadis gogo tu hauma na mi".

"Marbunga petaho eda,asalma adong parsalian". Tong mangelek Nai Jabelengbeleng

"Ollo bollo, sian dia gararon muna bungana tolupulu persen, haru gaji ni ito i manggali horsik dang sukkup!"

Mulak balgingma Nai Jabelengbeleng sian jabu ni paredaanna tudos songon tungko di adian.
Ianggo eda na on tarsar do sada tokke namamora alai dang jong dope diluat i.

Partondongan nasida pe ala samarga do tunggane dolina dohot edana i.
Ai soadong tongdongna na olo mangurupi baliksa songon edana i do hatana :
"molo ndang adong hepeng muna, unang pajagojagohon pasingkolaon !",
i ma hata parpudi sian Angkangna tingki ro ibana mandulo bulan na salpu.

Madekdek ateatena jala mangubiti sitalbeonna marningot dokdokni parngoluan on.
I ma na so tarandungkon suman songon gatal na so boi malum dihao.

"bupp..." Tartuktuk patna jala masuak sisilonna sipaitonga.
"Togu ahu Tuhaaann" ....golap tompu portibi.

Sian na dao tarbege manghuling ernga tanda naung ro potang ari.

Songoni ma tamba ari tamba taon nunga lam mago be parsaoran di huta ni Jabelengbeleng.
Muba pangalaho angka pangisi ni huta i jala sipata jumpang disirpang dalan pe ndang masitandosan soara be pangisi huta i.

Huta Pansinaran goarna, sada huta na naeng mintop ugarina ala naung godang jongjong paberik industri.

==
"Among, nunga gomos ahu martangiang alai so martinangi dope Debata, beha de i"?, didok jamita gugun do ninna basabasa ni Tuhan i!"

"Tongka, paunduk roham unang dirgak mangido" , ndang namaingol Debata jala pos roham dibege do sude tangiangta i".
"unang sanga munsat haporseaonmu ala so dilehon dope pangidoanmu",ninna Amongna paposhon roha Jabelengbeleng asa unang mandele dihapogoson.

==
Nunga lobi tolu ari onan, peak dope dipodoman Inongna, singkatna gabe Jabelengbeleng ma mardahan dohot marorot Anggina. Mansohot ma manussi dohot manggosok.

Naburju ma tahe Bidan Maslan mangubati sahit ni Inongni Jabelengbeleng. Ai ro do ibana ganup potang ari manaruhon ubat dohot mangalean pitamin asa gira hisar Inongna. Ndang lupa muse manolothon saotik sian puropurona.

Bidan Maslan do na mangidaan tingki tinggang Nai Beleng ari naung salpu laos sian i ma tarboto sahit typus Nai Beleng.
Maringot ibana tingki mago tintinna, Nai Beleng do na paulakhon tingki manussi abit nasida.

Sidung do testing ni Jabelengbeleng nian,dapot ibana NEM 45 sian lima mata pelajaranna jala ibana ma natumimbo nilaina diluat i. Arop rohana masuk tu STM asa boi hatop karejo.

===
"Oto ma ho, talu sian Jabelengbeleng anak panggali horsik i? ai so adong les ibana, so adong bungkuna, boi dohonon anak ni hatoban do i! ise huroha i?"
" Alani ho ma i, sai dipadidengdideng ho anakmi" , muruk Amongni si Romora.

Naung marsangkap do nian Amongni si Romora pasingkolaon anakna masuk singkola Taruna di Magelang pulo Jaoa asa boi tentara haduan.
Sip si Romora anakna i, alai dibagas rohana martopak ala naing Pandita do tahi nasida.

Dung sampulu lima taon pajumpang ma muse si Jabelengbeleng dohot si Romora disada undungundung seo(hotel) di luat Johannesburg sun city, ia si Jabelengbeleng laho marsangkap pajongjong sada cabang parkarejoanna, ia si Romora tongon martugas pararathon barita nauli.

#LestarikanmarhataBatak