Buruh Cinta
TS/Jabelengbeleng
"...Semua sudah siaaap!!!?"
..."siaaap" dialusi satonga ribu anggota i.
i ma hata panutup andorang so borhat tu godung ni wakil rakyat DPR laho manggolhon Undang Undang Tenaga Kerja.
Songoni ma sumangot di masa haposoon, tingki parsidohot di sada punguan serikat pekerja ..dipangke ma pahean mar gombar Che Guevara dongan ni amanta Bung Karno sian Kuba, dohot talitali margurit
"buruh bersatu tak bisa dikalahkan".
Sada na pasti huingot parsidohot marserikat i ma asa nangkok saotik parngoluan ni angka parkarejo.
Jala asa adong -posisi tawar- tu angka pangusaha dohot pamarenta marhite huhum tenaga kerja ..i ma hasilna UU no 13 sahat tu sadarion.
Ia ahu parsidohot ala lomo do rohangku marpollung, muse tar "vokal" do ahu saotik ,sian i do ditogihon angka dongan asa dohot iba mangurupi nasida masuk tu serikat.
"Olo tahe, atik beha boi iba otik mambahen masukan tu Management molo maccet komunikasi" ningku manolopi.
Huantusi do tong angka dongan pimpinan bagian, sasintongna holan mandalanhon haputusan Managemen do nasida.
Mardomu tu si do gabe tubu rohangku boasa ingkon demo dohot mogok molo adong do dalan na asing i ma goarna diplomasi/marsitangitangian rap hundul di forum bipartit dua pihak manang tripartit dohot pamarenta molo muntul dua pihak.
Di son ma boi hita maradu argument asa jumpang sada pangantusion, satahi taringot tu tujuan ni perusahaan songon mangalului untung manang margin suang songoni parkarejo pe manangkok parngoluanna marhite gaji dohot tunjangan,promosi ,rekreasi sian kantor dohot na asing.
Tung pe songoni uli binahen padalanton sai adongadong do "oknum" mambahen,sursar gabe hurang denggan punguan manang organisasi i dibereng Management.
Di sada tingki adong ma parkarejo na dilaporhon tu polisi tarboto nasida manangko boniaga di perusahaan...dijou ma ahu ,topet ahu bagian advokasi tingki i.
"Nanti aja Bang disana kronologisnya" ninna dongankon.
Laho ma ahu parjolo tu kantor pimpinan asa ditarik surat laporan na.
Marjugul amanta on dang olo mangumpat laporan polisi ala mabiar tu pimpinan na tumimbo, dungi muse didok nasida jolo laho ma ahu tu kantor polisi asa huboto detailna.Sarupa tong, dang dipaboa aha na masa, aha bonsirna tu iba?
Borhat ma ahu tu kantor polisi mulak karejo,tung pe iba anggota serikat sai hubahen do songon contoh tu angka dongan tertib aturan asa seimbang -hak dohot kewajiban- tu perusahaan.
Tikki i pekerja teladan do ahu jala marsertifikat do tong.
Sahat di kantor polisi jonok tu pusat bisnis Jakarta, nga botari jala nga mulai holom portibi, tarbege ahu do suara adzan sian masojid partanda nga masuk jam pitu lobi mareak borngin.
Partiga tiga elektronik pe nga mulai ditutup toko na ,songoni angka parkarejo naeng sahat na ma tu jabuna marsiadu gogo manggas motor na be.
Hu inum tes paet na adong di hadanganku.
Tep, marsijalangan dohot si jaga harbangan kantor polisi i huhut dipatorang ma sude songon dia rumang ni namasa.
Tompu marlabab taroktokku manjaha barita acara i...tarsurat disi
"bersangkutan melakukan tindak pencurian pampers sebanyak 1 pack".
Pampers ima songon salawar dakdanak sahali pangke boi langsung di ambolongkon. Andul do dohot tisu herbal nadihuta i.
Ia parkarejo na manangkoon sai unduk ma dung dibereng nasida ahu ,songon na tangis beut,dang apala gogo nian tarbege sian bagasan jarujii bosi i.
Ueee tahe hasiangan on.. "Ale Debata,pargogoi ahu mangadopi na masa on"
ningku dibagas rohangku martangiang....manetek ilungku dibagasan,malala ateatengku sambola:
"apala pampers laho pangkeon tu anakna sandiri diula manangko!!!???"
Tutu..toho situtu tar arga do pampers ,masa i ndang apala torop dope jolma mamangke pampers tu ianakhonna tingki i..."alai boasa ingkon manangko??"
...marsampur ma sude dibagas rohakku ndang tardok be agia aha.....
Didok petugas jaga i ma..."jalo ma surat pencabutan sian kantor muna jala atur hamuma di internal"...ndang pola marganjang sisongonon tu penyidikan" .lambok dipatorang tu ahu songon boi didadap rohana tong na dibagas rohangkon.
Dapot do tong ujungna surat i ,nanget do hubaen soarangku,songon na manganju,mangelek huhut marsomba mangido asa marulak roha manajemen mangumpat laporan i.
Martalipon ma manager security i tu punsu pimpinan.
Dung sae didok ma tu ahu ..."tolonglah kamu bilang sama anggotamu pencurian itu adalah tindakan kejahatan, perbuatan kriminal".
""Oke Pak ,saya juga merasa malu dan saya paling tidak suka dengan anggota yang mencuri ditempat mencari makannya sendiri,seharusnya bisa diselesaikan disini atau langsung dipecat, karena kalau sudah ke polisi walaupun dicabut tetap bisa mereka melakukan kewenangannya dengan delik aduan maupun delik biasa".
Dung sidung hupatorang, hujalo ma surat i laos habang muse tu kantor polisi ,nga pukul sampulu borngin,ndang huingot be mangan burju muse siubeon ndang mangonjar sian bagasan.
Tep..manghuling talipon tangan nabalga i, martalipon calon Parsonduk Bolon...
" dimana sayang , aku telpon kerumah kamu katanya belum pulang"
"Lagi ngurus anggota serikat bermasalah di kantor polisi"
"Aduuh ,jangan orang mulu di urus,mending mereka ingat nanti sama kamu"
"Iya..iya hasian,semampu Abang aja hasian"
" gombal ah...bye hati hati and take care beib..muuuach...". Tutttt...
Saut do diumpat laporan i , alai pas hian songon na hudok tu pimpinan di parkarejoan, godang alasan ni polisi ,toho na nidok angka dongan ,ndang muramura kaluar molo sanga do masuk tu terali bosi i dohot molo simpul di BAP. Didok polisi si jaga harbangan i ma asa hupaima pimpinan kanit serse ro , molo dung lewat jam onom somalna mangihuthon aturan ndang boi be kaluar tahanan ninna ibana.
Dungi muse nunga marganti petugas na parjolo i.
Nga marpungu Omak ni parkarejo na manangko on dohot pardijabuna hundul di emper ruang tunggu kantor polisi i .
hatop ro halaki marbus dung sahat barita i, donganku nga mulak tinggal sahalakhu na ma mandongani.
"Ooo.. ale ompung"...hu papitpit simalolongku laho mandapothon natorasna dohot inanta na .
Amagoiamang.... mardenggan pamatang muse do inantana, holan paima tingki haroan partus anak paduahon na ma.
malala ate atengku ..."kemanusiaan do manang tugas panggilan sambing do na hudalanton on? toe ma nga bagian niba tu advokasi on...ia panangko upana ingkon diuhum do...boha nama on?"..ningku manghatahatai dibagas roha.
Sotung di terali bosi on annon amongna,ndang diida sorang ianakkonna i.
Huberengbereng dua lampu ni kantor i golap ndang golap torang ndang torang...hansit simalolong marnida .
Songoni ma huroha hansit ni partaonan ni inanta on huhilala sian pangandung tunggane boru ni amanta parkarejo namanangko pampers on.
"Malam Pak ,ningku tu kanit reserse.
Jempekna asa boi kaluar, negosiasi ma hami padua asa boi haruar anggota serikat on sian tahanan jala unang apala marborngin pangidoan.
Manggarar perkara ma, dang apala godang nian sigararon alana hupatorang kondisi ni keluarga ni anggota serikat on. burju kanit i dioloi hatangku. Olo do ra ala nunga loja ibana sadari himpal mangatur demo mahasiswa di senayan ,dibereng muse ina na mardenggan pamatang i,gabe tubu asi ni roha nasida. Marsijalangan ma hami. "Mauliate Pak".
Tangis ma inantana dung kaluar sian bilut tahanan i songoni nang omakna,diapusapus ma simanjujungna huhut tangis marsihaolan nasida na tolu.
"Terima kasih Abang, mohon ampun atas kekhilafan saya" disurdukhon tanganna tu ahu.
"Mohon ampun lah sama Tuhanmu, istri mu sama calon anakmu,pelajaran paling berharga ini dalam hidupmu" ningku mangalusi.
Dipakaluar do tong nasida sian parkarejoan. songon sada anggota hugogohon ma asa dapot ibana hakna asa adong ngolu ngoluna andorang so dapot parkarejoan naimbaru.
Sahat tu sadarion ndang hea be jumpang ahu dohot nasida, goarna pe songon na lupa ahu.
Tingki marpungu marrapot organisasi -Kongres- goarna, hudokkon ma tu natorop diloloan.
Molo adong anggota na manangko tujoloan on songon pangalaho kriminal murni..dang olo be ahu mambela.!!.
Di rapot komisi ndang apala sude setuju, diboan ma tu rapot bolon laos di putushon ma :molo pidana tanggung jawab pribadi tu pribadi, molo serikat holan mandongani ma asa dapot hakna sesuai tu perjanjian kerja.
Di Kongres i di putushon ma bergabung serikat tu sada tingkat na tumimbo i ma goarna federasi.
Maralo do paham pemikiranhu tu federasi on.talu soara tingki voting....ia federasi on menuruthu propaganda do dipajolo sian diplomasi, huboto pe alana sempat do ahu parsidohot piga piga rapot andorang so diboan usul margabung tu Kongres.
Ndang apala godang nian nijaha pemikiran ni akka pande-bisuk songon si Hegel dohot lan na asing...ingkon hita sandiri do mamillit dia na dumenggan tu parngoluanta na mar organisasi on: Idealis do manang membeo?.
Marpiga bulan,dipapinda ma ahu promosi tu luat na baru laho mambungka cabang.
"Hasian beib...angkat jo henpon mi nga siap be ahu mangoli....."
