Malean

Sada tingki jam 11 borngin malean ma hami dohot Laeku sipaidua di luat pulo jau taon 89 an ra.
Libur singkola ma hatiha i.
Induk somang Lae na tumua dang mulak karejo dope. Dolidoli do tong

Sian jam pitu borngin nunga margondang be butuha on. Lalap aek sian kendi na ma diinum mangalo na male i. Karupuk najogal tebateba ketoprak tinuhor manogot huhilhil hami ma. Dang mempan. Hepeng pe dang adong hutiop hami.

Adong warung dang barani hami marutang, so tinanda. Suang songoni tetangga nunga marsisordak pintuna be.

Ujungna laho ma hami tu topi batang aek jonok jabu i. Hujangkit hami ma harambir mamutik antar na matua dua biji. Hubola hami ma laos gira hungatngati hami ala ni malena.

Dung sampulu lima minit mangkuling muse butuha on. Pinapodom dang olo nok. Mangarunta sian bagasan

Dungi dang huingot boasa hami modom di teras jabu ni halak.

Molo niingot i terlalu do bah Lae siangkangan i.

====
Hea do hamu mangae songoni Amang Inang?

#ragamkamis
Foto:G-image