Jempek dang tarasam

-Jempek dang tarasam-

"Palua ahu Among...palua tangankon"

Dang diboto Jabelengbeleng boasa tompu songoni rimas ni Amongna. Ndada diboto ibana aha salana, dia bonsirna. Ai parroha lambok mauliutus do Amongna saleleng on.

Songoni ma disarat Amongna anakna i di ida sude jolma hombar jabuna. Ndada adong mangorai. Ompu Tumonggo hatobangon huta pe sip do tingki topet mandaik mandarna sian jomuran.

====
Dua minggu ma martigatiga sendor Nanguda Jotun jonok pinggol dalan tu huta.
Ribur m antong halak na manuhor, adong manginum disi jala adong di palastiki

Sai tu si do Jabelengbeleng arian marmeam manotnoti angka na manginum sendor i.

Adong tolu hali mangido hepeng ibana tu Amongna alai sai alus:
"Indadong hepeng Amang" mulakulak i ma alusna

Tonga ari i jongjong ma Jabelengbeleng mangidaida borna sendor i.
Sai ro ijurna mida sendor i huhut dipulospulos abitna margombar superman naung maribak gedekgedekna.

"Nanguda, huurupi da paishon galas on dohot meja"
"Denggan Amang! pature ma, hulean pe sendor di ho"

Ndada holan sendor nian!. Di lehon dope hepeng tu nasida upa lojana mamburi dung suda tigatigana i mareak jom 5 sore.

Di dalan mulak, pajumpang ma ibana dohot Amongna mulak marsoban laos dipatudu dapotna hepeng dohot dipabotohon manginum sendor Nanguda Jotun.

I ma dalanna rimason Amongna.
Malala di bagasan ateatena ala soadong tuk baenonna manuhor sendor tu Anakna i.
Ai ari sabtu dua ari nai pe ibana asa manjalo upa marsoban.
Hape anakna i dang sahat tusi dope rohana

#ragamrabu