Dongan do dongan alai dongan dia?

Dongan do dongan alai dongan dia?
____________

Di dalan mulak singkola nunga pir tahi si Jabelengbeleng naingkon buatonna hepeng ni Amongna sian dompetna.

"Masa anak orang kaya gak punya duit elo Beleng , noh lihat Si Jumaga cuman tauke beras Bokapnya tapi dolangnya kaga beseri" kompor hata si Bliski anakni par Pertamini

Songon na tartuktuk Jabelengbeleng umbege hata i, ia si Jumaga boi marhonda CBR 250cc alai imana holan Kawasaki 150cc do. Naek gengsina tu level partimbo ndang olo talu. Anak Direktur Bank gitu lo..horang kaya.
___
"Ok, kita berangkat malam ini ke MATA BAR,gue yang bayarin semua"ninna Jabelengbeleng mangalusi hata angka donganna

Jam pitu borngin nunga marpungu nasida jolo dialap tujabuna be sadasada asa main sidalian mandok belajar kelompok.
Mobil Blazer Amongna ma diboan Si Jumaga na adong pamilas dagingna molo ngali ari (AC) tingki i.

Dung sahat di inganan tinuju ribur ma antong, adong si bontar mata adong borua na jeges marabit lima jari sian duguldudulna.
Lampulampu sian talaga tu halangulu pe marganti sorin bornana. Talu ma bintang dilangit ningon

Bolas do nasida bongot tung pe esema dope. Ai disolothon si Bliski do antong marlimaratus ribu hapalna tu sijaga harbangan. Ngasomal ibana tusi

Marjogeti ma dung dipalu Tuan musik ende genre -house music- .
"Dorguk ma...dorguk di ho mitu hita ,haol di ho huhaol na di ahu..huhut martata sonang nasida.
Ai hatop do antong marsitandaan disi baoa tu boru, hira sisolhot na martondong ma rosuna.
Dung i muse ala didok sian jolo :
''Malam ini kawan kita Jabelengbeleng akan traktir minum di sesi pertama"
pintor mangumma sada borua dohot udutna tu Jabelengbeleng... dung dibege boaboa sian mic di jolo.
,,,,,Horee...martopap sude huhut marsihandit galasna be toast!

Jam sada borngin nunga simpul be ulaon marajojing. Tenggen sude, mirdong alai boi do di oban Si Jumaga mobil i tu hotel Sari Pan Pacific. Lanjut ma pasuda hepeng i ala holan manggesek do dang pala ketat dope markartu American Express. Sang songon na bangga muse nasida dipajingjingjingjing donganna

Dung dua minggu ,tarbege barita hona jergot Reserse Ekonomi Amongni Jabelengbeleng ala manabunihon laporan parhepengon korporasi.
Hona sita ma sude artana. Di garis polisi jabuna dang boi dipaorot tagan so sae haputusan parkaro sian pengadilan.

Ro muse tagihan kartu kredit ni Amongna marasam limapulu pitu juta. Satonga sian pamangkean di BAR dohot hotel lan manganna.

#ragamminggu #Jabelengbeleng