Inangbao

Inangbao
Panurat : TSimanjuntak

Taboto do tangkas, mansai arga jala jamot do hita marbao, ingkon jagaon do panghataion, jagaon parabiton, jagaon muse pangalaho molo isarana pajumpang di naso panagaman.

Molo marsijalangan pe namarbao ndang pola gomos dohot di hurdehurdehon tangan i.

Disada tinghi ulaon bona taon, manggora sagogona ma sada Ina naeng mogap di topi aek laut ala padao hu sian topi pasir.

"byuurrr..." Manimbung sada Ama Sintua ma dohonon, marlange hinsa laho mangurupi Ina na naeng mogap on.

Tep, dung jonok diida Ama Sintua on ma tangkas ise Ina na margepor naeng bonom i.

"bah...Inang bao do hape" ninna ibana dibagasan
Gabe sumurut ma simangido ni Ama i nanaeng manggolom tangan Inangbaona i, laos marbalik muse tu topi pasir.

Tuani ma ro sian pudi angka Ina dohot Ama hatop mangurupi tagan so bonom Inangbaona i....

Aha sarito muna Amang - Inang taringot tu mar bao on? ahahaha..

110118