Paimahon hata amin
Panggurit : Toni Simanjuntak
Sada tingki di punguan parsahutaon mangihut hon AD/ART dipatupa do partangiangan.
A. Marungkar sai sipsip hundul di lambung ni pintu manangi nangi pengurus patorangkon susunan acara partangiangan.
Siat dope nian dibagasan parhundulan,lage do dipahembang tuan rumah.
Alai i ma sada halobion ni angka anggota,mabiar di tudu martangiang ido banna mandao dao hundul di pintu manang sipata songon na terlambat harorona paima simpul susunan acara dibahen BPH. Ue taheee...
Ia Amanta si A. Marungkar on jago do nian mandok hata, marumpama dohot marumpasa, lengket ma dohonon alai molo disuru martangiang dang olo ,sai adong do sidalianna di tonga punguan.
Tep, di dok sekjen pengurus ma,
" na martangiang di acara ta borngin on ima na hundul di pintu". Ba..sude manaili tu A. Marungkar.
Migor dialusi A. Marungkar ma nanget " Na lain majo Amang sekjen, manang sian horong Ina ma"
"Andigan dope hamu Amang managiangkon punguan on ,ganti taon nama hita nga sude torop dapotan margilir,holan Lae na ma"
"Somba hu Amang sekjen , penasehat i ma na mamboan ton".
"Daong bah ingkon Lae na ma huhut ni i asa sude dapotan gilir mamboan tangiang" ninna sekjen i.
Masuk tu ayat dua ujung ni ende i,dibahen amang sekjen ma kode asa mangarade jongjong A. Marungkar mamboan tangiang.
"Martangiang ma hita......sip....dua menit tong dang adong hatana....tolu menit tong sip...nga mulai busisaon angka ina,adong mangintip antar dibuka otik simalolongna (adong do istilah bahasa batakna on ?)... Sai mangubiti bibir ni A. Marungkar alai sada pe dang adong hatana kaluar.
Tompu di palu A. Marungkar ma hata tangiangna jala pitpit dope simalolongna:
"nga hudok nangkaning unang ahu bahen hamu martangiang,... Botima"!!! laos hundul ma nasida.
Gabe martata nama sude anggota punguan ,mulai sian i ndang adong be nabarani hundul di pintu,mabiar disuru mamboan tangiang.
210817ts
Tidak ada komentar:
Posting Komentar